Государственное Учреждение культуры

ЛЮДЗІ. ПАДЗЕІ. ФАКТЫ.

 ЯДНАЕМСЯ РАМЁСТВАМІ

У рамках рэалізацыі раённага праекта "Культурную Спадчыну
продкаў зберагаем разам", майстры Слонімскага аддзела
рамёстваў правялі ТРАДЫЦЫЙНЫ КАЛЕЙДАСКОП
"Часоў злучная ніць", для дзяцей прышкольнага
 аздараўленчага лагера "Брыганціна" ДУА "СШ №8".
 Праграма традыцыйнайнага калейдаскопа была насычанай
 і разнастайнай. Майстры арганізавалі: выстаўку народнай
 творчасці "Традыцыі і сучаснасць"; дэманстрацыю відэаролікаў
 "Рамёствы Слонімшчыны" і "Традыцыі выпечкі караваяў на
 Слонімшчыне"; правялі майстар-класы па народных мастацкіх
рамёствах: ткацтве пояса на настольным лентаткацкім станку –
Дзевятчанка В.А.; вырабе абярэгавай лялькі - Пацынка І.М.;
 выцінанцы - Васюхоўская Ю.Ю.; аплікацыі саломкай - Зелянко А.В.,
 носьбіт беларускіх мастацкіх практык аплікацыі саломкай.
З цікавасцю і задавальненнем дзеці далучыліся да традыцыйнай
культуры нашых продкаў.

БОЛЬШЕ ФОТОГАФИЙ ЗДЕСЬ 

ЛЮДЗІ. ПАДЗЕІ. ФАКТЫ.

ПА ШЛЯХУ ТВОРЧАСЦІ ДА ПОСПЕХУ

Майстры Слонімскага аддзела рамёстваў і традыцыйнай культуры
 правялі творчыя майстар-класы па лепцы з салёнага цеста
"Летняя фантазія" і аплікацыі саломкай "Памяць пакаленняў"
 для дзяцей прышкольнага аздараўленчага лагера
 "Цветик-семицветик" СШ №9 г.Слоніма.
Дзеці з задавальненнем, старанна паўтаралі тэхналогію ізгатаўлення
 творчых работ за вопытнымі майстрамі.
І ў выніку карпатлівай працы ў іх атрымаліся цудоўныя вырабы,
 зробленыя сваімі рукамі.

БОЛЬШЕ ФОТОГРАФИЙ ЗДЕСЬ 

ЛЮДЗІ. ПАДЗЕІ. ФАКТЫ.

ЯДНАЕМСЯ РАМЁСТВАМІ 

БОЛЬШЕ ФОТОГРАФИЙ ЗДЕСЬ 

ЛЮДЗІ. ПАДЗЕІ. ФАКТЫ

ЯДНАЕМСЯ РАМЁСТВАМІ

Дзеці прышкольнага аздараўленчага лагера "Ластаўка"
СШ №7 яшчэ больш даведаліся пра жыццё нашых продкаў
падчас наведвання інтэрактыўнай праграмы "Ад мінулага да сучаснага",
якая была праведзена спецыялістамі аддзела рамёстваў. Акрамя таго,
 маленькія наведвальнікі выставачнай залы з вялікай ахвотай
паўдзельнічалі ў майстар-класах па прасаванні саматканага льнянога
палатна поцягам і навіванні ніткі на цэўку, азнаёміліся з такім
 няпростым працэсам, як ткацтва на кроснах. Таксама дзяцей
уразілі калекцыі работ сучасных майстроў Слонімшчыны.
 Вырабы такіх накірункаў творчасці, як "ткацтва габеленаў",
 "роспіс па шкле", "спіральнае пляценне з травы" некаторым
 давялося бачыць упершыню. Дзеці змаглі не толькі даведацца
 пра нешта новае, але і прадэманстраваць свае веды аб родным
 краі падчас пазнавальных гульняў.

БОЛЬШЕ ФОТОГРАФИЙ ЗДЕСЬ 

ЛЮДЗІ. ПАДЗЕІ. ФАКТЫ.

 ПА ШЛЯХУ ТВОРЧАСЦІ ДА ПОСПЕХУ

Дзеці прышкольнага аздараўленчага лагера "Цветик-семицветик"
СШ №9 г. Слоніма паспрабавалі сябе ў такім відзе творчасці,
як цестапластыка: з дапамогай спецыялістаў Слонімскага аддзела
 рамёстваў яны зрабілі кампазіцыю "Марскія матывы". Вынікам
стараннай працы юных майстроў сталі фантазійныя міні-пано з
 салёнага цеста, якія паслужаць цудоўным упрыгожваннем,
або сувенірам для блізкіх.

БОЛЬШЕ ФОТОГРАФИЙ ЗДЕСЬ 

ЛЮДЗІ. ПАДЗЕІ. ФАКТЫ

ЯДНАЕМСЯ РАМЁСТВАМІ

Дзеці прышкольных аздараўленчых лагераў "Бригантина" СШ №8
і "Галактика" СШ №5 г.Слоніма паўдзельнічалі ў інтэрактыўнай
праграме "Ад мінулага да сучаснага", якую для іх правялі спецыялісты
Слонімскага аддзела рамёстваў і традыцыйнай культуры.
 Юныя наведвальнікі правялі час не толькі цікава, але і пазнавальна:
ім удалося ўбачыць прадметы быта нашых продкаў, папрасаваць
 саматканае палатно поцягам і паназіраць за працэсам ткацтва на
кроснах. Акрамя таго, дзеці азнаёміліся з калекцыямі работ
сучасных майстроў Слонімшчыны, а ў гульні "Клубочак"
 замацавалі здабытую інфармацыю і прадэманстравалі свае веды
аб родным краі. Вясёлыя канікулы працягваюцца!!!

БОЛЬШЕ ФОТОГРАФИЙ ЗДЕСЬ  

ЛЮДЗІ. ПАДЗЕІ. ФАКТЫ.

      ПА ШЛЯХУ ТВОРЧАСЦІ ДА ПОСПЕХУ

 Для дзяцей прышкольнага аздараўленчага лагера
“SMARTkids” Гімназіі № 1 г. Слоніма спецыялістамі Слонімскага
аддзела рамёстваў і традыцыйнай культуры быў праведзены
майстар-клас па выцінанцы “Дрэва жыцця”. Стварэнне ажурных
 папяровых вузораў – дастаткова складаная праца, але дзякуючы
стараннай працы дзеці самастойна змаглі стварыць цудоўныя вырабы.
 Паштоўкі ў тэхніцы “выцінанка” стануць прыемным падарункам
 для родных і блізкіх.

БОЛЬШЕ ФОТОГРАФИЙ ЗДЕСЬ  

ЛЮДЗІ. ПАДЗЕІ. ФАКТЫ.

 ПА ШЛЯХУ ТВОРЧАСЦІ ДА ПОСПЕХУ
 Майстры Слонімскага аддзела рамёстваў парадавалі дзяцей
 прышкольнага аздараўленчага лагера "Цветик-семицветик"
Сярэдняй школы №9 майстар-класамі ў традыцыйных
беларускіх тэхніках - аплікацыі саломкай і выцінанцы.
Дзеці зрабілі сваімі рукамі паштоўкі "Памяць пакаленняў" і
"Дрэва жыцця". Праца для некаторых аказалася не простай,
 але цярплівасць і стараннасць прывялі дзяцей да добрых вынікаў
і ў кожнага атрымалася выдатная паштоўка!

БОЛЬШЕ ФОТОГРАФИЙ ЗДЕСЬ 

ЛЮДЗІ. ПАДЗЕІ. ФАКТЫ

ЯДНАЕМСЯ РАМЁСТВАМІ

Пазнавальна і цікава прапануе правесці час Слонімскі
аддзел рамёстваў і традыцыйнай культуры!
Так, для дзяцей прышкольных аздараўленчых лагероў
"Цветик-семицветик" СШ №9, "" Гімназіі №1,
"Бригантина" СШ №8 г. Слоніма была праведзена
інтэрактыўная праграма "Ад мінулага да сучаснага".
Дзецям упершыню давялося папрасаваць саматканае палатно
 старажытным спосабам, навіць нітку на цэўку, даведацца і
паглядзець, як калісьці ткалі на кроснах нашыя бабулі.
Расповяд пра этнапрадметы дазволіў апынуцца ў мінулым,
 калі многія прылады і прадметы побыту рабіліся самастойна.
А весялосці наведвальнікам дадалі забаўныя гульні!

БОЛЬШЕ ФОТОГРАФИЙ ЗДЕСЬ