Хутка навагоднія святы, якія немагчыма ўявіць сабе без сувеніраў ручной работы! У рамках акцыі "Нашы дзеці" майстры Слонімскага аддзела рамёстваў наведалі выхаванцаў Сацыяльна - педагагічнага цэнтра Слонімскага раёна і разам зрабілі навагодні сувенір: у тэхніцы дэкаратыўнага роспісу дзеці стваралі маляўнічыя навагоднія шары.
Самаробныя сувенірчыкі сталі цудоўным упрыгожваннем елкі!
Обновлено 19.12.2024 09:36
"ЭТНАГРАФІЧНАЯ ЭКСПЕДЫЦЫЯ"
17.12.2024 08:40
Администратор
ЭТНАГРАФІЧНАЯ ЭКСПЕДЫЦЫЯ
Майстры Слонімскага аддзела рамёстваў зладзілі этнаграфічную экспедыцыю ў мястэчкі Слонімскага раёна з мэтай пошуку і збору прадметаў побыту нашых продкаў і тэкстыльных вырабаў. Падчас экспедыцыі адбылася сустрэча з Віктарам Віктаравічам Качаргой жыхаром в. Нагуевічы і Анатолем Аляксандравічам Грыгарэвічам з в. Дзераўная. Добразычлівыя вяскоўцы падаравалі ў выставачную залу аддзела рамёстваў церніцу, матавіла і дробныя дэталі ад кроснаў. Удзельнікам экспедыцыі атрымалася падзівіцца на "каўровую" вышыўку на дыванах, якія былі створаны гаспадыняй у 70-я гады.
Обновлено 17.12.2024 08:43
"НАВАГОДНІ СУВЕНІР"
11.12.2024 08:57
Администратор
ФОТАФАКТ
НАВАГОДНІ СУВЕНІР
Майстры Слонімскага аддзела рамёстваў правялі цікавы і пазнавальны майстар-клас па лепцы з салёнага цеста "Навагодні сувенір" для вучняў 3-х класаў ДУА "Гімназія №1 г.Слоніма".
Обновлено 11.12.2024 09:00
"ЯДНАЕМСЯ РАМЁСТВАМІ: ВЫЦІНАНКА"
05.12.2024 16:11
Администратор
ЯДНАЕМСЯ РАМЁСТВАМІ: ВЫЦІНАНКА
На Слонімшчыне носьбітам мастацтва выцінанкі з’яўляецца Людміла Руткоўская. Гэтым відам творчасці яна займаецца каля 15 гадоў. Калекцыя работ Людмілы налічвае звыш 60 выцінанак, у якіх майстар увасабляе разнастайныя тэмы: гэта і фальклорныя матывы, і прыгажосць роднага краю, і міфалагічны свет, і сюжэты да рэлігійных святаў. Непаўторныя вобразы выцінанак з’яўляюцца вынікам самастойных творчых пошукаў майстра, таму яны ўнікальныя, аўтарскія. Асаблівасцю работ Людмілы з’яўляецца вытанчанасць выканання, высокі мастацкі ўзровень, дасканаласць увасаблення творчай думкі. Выцінанкі Людмілы дэманструюцца на выстаўках, фестывалях, конкурсах гарадскога, абласнога і рэспубліканскага ўзроўняў. Акрамя таго, майстар з задавальненнем дзеліцца сакрэтамі выцінання падчас майстар-класаў, школ вучоб, семінараў-практыкумаў.
Обновлено 05.12.2024 16:13
"Анёлак"
05.12.2024 11:36
Администратор
ЯДНАЕМСЯ РАМЁСТВАМІ
Для вучняў 3 "В" класа Сярэдняй школы № 9 г. Слоніма спецыялісты аддзела рамёстваў і традыцыйнай культуры правялі майстар-клас па выцінанцы "Анёлак". Усе дзеці пад кіраўніцтвам майстроў паспяхова асвойвалі сакрэты мастэрства выцінання ажурных узораў. Паштоўка з выявай анёла стане прыемным падарункам напярэдадні зімовых святаў.
Обновлено 05.12.2024 11:41
"Матывы роднай зямлі"
03.12.2024 12:09
Администратор
ЯДНАЕМСЯ РАМЁСТВАМІ
Спецыялісты Слонімскага аддзела рамёстваў і традыцыйнай культуры правялі майстар-клас па дэкаратыўнаму роспісу "Матывы роднай зямлі" для навучэнцаў гр. 2 СД-1 УА "Слонімскі дзяржаўны медыцынскі каледж". Моладзь даведалася пра ўзнікненне, віды, тэхналогію выканання беларускага традыцыйнага роспісу па дрэве, тканіне, шкле. Усе старанна, з задавальненнем малявалі на закладках рознакаляровыя кветкі і лісце па матывах агоўскага роспісу.
Обновлено 03.12.2024 12:12
"ТВОРЧАСЦЬ БЕЗ МЕЖАЎ"
03.12.2024 10:38
Администратор
ТВОРЧАСЦЬ БЕЗ МЕЖАЎ
У рамках Міжнароднага дня інвалідаў для наведвальнікаў аддзялення дзённага знаходжання для інвалідаў Цэнтра сацыяльнага абслугоўвання насельніцтва Слонімскага раёна спецыялістамі аддзела рамёстваў быў праведзены майстар-клас па дэкаратыўнаму роспісу. Удзельнікі мерапрыемства з задавальненнем зрабілі навагоднія упрыгожванні, якія створаць святочны настрой у сцюдзёныя снежаньскія дні.
Обновлено 03.12.2024 10:42
"ТРАДЫЦЫЙНЫ КАЛЕЙДАСКОП"
29.11.2024 16:12
Администратор
ЛЮДЗІ. ПАДЗЕІ. ФАКТЫ.
КРЫНІЦА НАРОДНАЙ ТВОРЧАСЦІ ПАНЯМОННЯ
ТРАДЫЦЫЙНЫ КАЛЕЙДАСКОП
Для вучняў 4-х і 5-х класаў Гімназіі № 1 г. Слоніма спецыялістамі аддзела рамёстваў быў арганізаваны традыцыйны калейдаскоп "Часоў злучная ніць". Падчас мерапрыемства дзеці даведаліся аб традыцыйнай культуры Слонімшчыны і накірунках дзейнасці аддзела рамёстваў і традыцыйнай культуры, убачылі калекцыі работ майстроў і прынялі ўдзел у майстар-класах па аплікацыі саломкай, выцінанцы, мастацкім роспісе і ткацтве пояса.
Обновлено 29.11.2024 16:24
"ТВОРЧАЯ СУСТРЭЧА З МАЙСТРАМ ПА ВЫЦІНАНЦЫ"
29.11.2024 12:14
Администратор
ЛЮДЗІ. ПАДЗЕІ. ФАКТЫ.
КРЫНІЦА НАРОДНАЙ ТВОРЧАСЦІ ПАНЯМОННЯ ТВОРЧАЯ СУСТРЭЧА З МАЙСТРАМ ПА ВЫЦІНАНЦЫ У Слонімскім аддзеле рамёстваў і традыцыйнай культуры ў рамках адкрытага паседжання аматарскага аб’яднання "Спадчына" адбылася арт-сустрэча з носьбітам элемента нематэрыяльнай культурнай спадчыны "Беларускае мастацтва выцінанкі" Людмілай Руткоўскай. У сваіх работах Людміла Георгіеўна ўвасабляе разнастайныя тэмы: міфалагічны свет, фальклорныя матывы, сюжэты да рэлігійных святаў, прыгажосць роднага краю. Таленавіты майстар з задавальненнем дзеліцца сакрэтамі творчасці з усімі жадаючымі і падчас сустрэчы прадэманстравала майстар-клас па выцінанцы "Птушкі". Як вобраз у традыцыйнай культуры, птушкі, якія глядзяць адзін на аднаго, сімвалізуюць узаемнае каханне і шчасце. Усе удзельнікі мерапрыемства паспяхова асвоілі асноўныя правілы выцінання і стварылі цудоўныя паштоўкі.
Обновлено 29.11.2024 12:30
"Ажурнае выразанне з паперы "
23.11.2024 14:51
Администратор
ЛЮДЗІ.ПАДЗЕІ.ФАКТЫ.
ЯДНАЕМСЯ РАМЁСТВАМІ
Майстры Слонімскага аддзела рамёстваў і традыцыйнай культуры працягваюць далучаць дзяцей і падлеткаў да народнай творчасці: для вучняў 7 "В" класа СШ № 8 быў праведзены майстар-клас па выцінанцы. Ажурнае выразанне з паперы патрабуе ўважлівасці, цярпення і выканання правілаў выцінання, якія дзеці паспяхова асвоілі падчас творчай працы. Кожны ўдзельнік майстар-класа змог пераканацца ў тым, што стварэнне выцінанкі – карпатлівы працэс, таму адчуў каштоўнасць работы, якая зроблена ўласнымі рукамі.
Обновлено 23.11.2024 14:53
"Творчая сустрэча"
21.11.2024 08:31
Администратор
ЛЮДЗІ. ПАДЗЕІ. ФАКТЫ.
ЯДНАЕМСЯ РАМЁСТВАМІ
Для вучняў 3 "Б" класа СШ № 9 спецыялістамі Слонімскага аддзела рамёстваў быў праведзены майстар-клас па выцінанцы "Птушкі". Сучасная выцінанка адрозніваецца разнастайнай тэматыкай і стылістыкай выканання, але заўсёды арыентуецца на народныя традыцыйныя матывы, таму ў кампазіцыі былі адлюстраваны птушкі. Творчая сустрэча была цікавай і змястоўнай: дзеці асвоілі няпростую тэхніку ажурнага вырэзвання з паперы і стварылі цудоўныя паштоўкі.
Отдел ремёсел и традиционной культуры
Russian
Belarusian
