Папулярызацыя нематэрыяльнай культурнай спадчыны Слонімскага раёна працягваецца. Сёння на анімацыйную праграму “Цуда-печка”ў Паўлаўскую этнагасцёўню завіталі другакласнікі ДУА “Гімназія №1 г.Слоніма”. Удзельніцы народнага фальклорнага калектыву “Чараўніцы-каравайніцы”пазнаёмілі дзетак з гісторыяй традыцый выпечкі караваяў на Слонімшчыне, з цікавасцю дзеці разглядалі прадметы сялянскага побыту, прымалі ўдзел у гульнях, з імпэтам працавалі над вырабам “шышак” і “кветак” для аздаблення караваяў.
ПА ШЛЯХУ ТВОРЧАСЦІ ДА ПОСПЕХУ Майстры Слонімскага аддзела рамёстваў правялі майстар-клас па лепцы з салёнага цеста, падвеска "Велікодныя зайчыкі", для вучняў 3 "Б" класа ДУА СШ№10. Дзеці ахвотна, старанна працавалі і ў выніку ў іх атрымаліся цудоўныя вырабы.
ВЯЛІКДЗЕНЬ: ЯДНАЕМСЯ РАМЁСТВАМІ Спецыялісты аддзела рамёстваў і традыцыйнай культуры разам з носьбітам элемента нематэрыяльнай культурнай спадчыны
“Беларускае маст ацтва выцінанкі”
Людмілай Георгіеўнай Руткоўскай правялі майстар-клас па выцінанцы. Некаторым вучням 2 “В” класа сярэдняй школы № 9 г. Слоніма ўпершыню прыйшлося паспрабаваць сябе ў гэтым відзе дэкаратыўна-прыкладнога мастацтва. Такім маленькім, але вельмі старанным дзецям удалося стварыць непаўторныя велікодныя паштоўкі.
Супрацоўнікі Слонімскага аддзела рамёстваў і традыцыйнай культуры аказалі кансультацыйную дапамогу ў справе традыцыйнай вышыўцы калегам з аддзела рамёстваў і традыцыйнай культуры ДУК "Бераставіцкі раённы цэнтр культуры і народнай творчасці". Народны майстар Беларусі Алена Міхед правяла майстар-клас па вышыўцы. Акрамя таго была арганізавана экскурсія па выставачнай зале "Ад мінулага да сучаснага" і праведзены майстар-клас па ткацтве на кроснах. Творчая сустрэча прайшла ў цёплай сяброўскай атмасферы. Абмен вопытам стаў карысным для далейшай працы ўсіх спецыялістаў.