Майстар Слонімскага аддзела рамёстваў і традыцыйнай культуры Юліана Васюхоўская прымае ўдзел у семінары-практыкуме "Захаванне і пераемнасць традыцый ганчарства", які праходзіць на базе Цэнтра народнай творчасці і рамёстваў у г.п. Копысь Аршанскага раёна.ЯДНАЕМСЯ РАМЕСТВАМІ
З даўніх часоў Копысь лічыўся буйным ганчарным цэнтрам і быў знакаміты вырабам унікальнай "копысскай кафлі" для аздаблення печы.
Праграма семінара вельмі насычаная: знаёмства з дзейнасцю ўстановы культуры і накірункамі рамёстваў, якія развіваюцца на Копысскай зямлі, лекцыя пра ганчарства Віцебшчыны, але найбольшая ўвага надаецца практычнай частцы - майстар-класам.
Спецыялісты Віцебскага абласнога метадычнага цэнтра і майстры Цэнтра народнай творчасці прадэманстравалі тэхналогію падглазурнага роспісу, падзяліліся сакрэтамі ручной лепкі з гліны, асаблівасцямі шлікернага ліцця і, асноўнае, праца за ганчарным кругам.
Удзельнікі семінара змаглі абмяняцца вопытам і павысіць узровень свайго майстэрства працы з глінай.
Russian
Belarusian
