!! ЛЮДЗІ. ПАДЗЕІ. ФАКТЫ!!
ПА ШЛЯХУ ТВОРЧАСЦІ ДА ПОСПЕХУ
ДОБРЫХ РУК МАЙСТЭРСТВА
У Слонімскім аддзеле рамёстваў адбылася творчая сустрэча
"Добрых рук майстэрства" з майстрам па вырабу аўтарскіх
лялек і цацак Ірынай Паўлаўнай Герасімчык у рамках
адкрытага пасяджэння клуба майстроў "Спадчына".
Ірына каля 12 гадоў займаецца творчасцю, прыдумляе
дызайн будучых вырабаў Тэдзі - мішак, зайчыкаў, слонікаў,
а таксама дзіўных лялек, быццам жывых.
Ірына паказала цікавы майстар - клас па набіванні драўлянымі
апілкамі лапы будучага мішкі і расказала пра сакрэты свайго
майстэрства, матэрыялы і інструменты, якія выкарыстоўваюцца
ў працы. Шматлікія вырабы Ірыны прымаюць удзел у выстаўках,
а таксама знайшлі сваё месца ў асабістых калекцыях жыхароў
Беларусі і замежжа. Выкананыя з любоўю і добрым настроем,
яны дораць радасць дзецям і дарослым!