У рамках рэспубліканскай акцыі "Павага.Клопат.Адказнасць" і дэкады "Залаты узрост", прысвечанай Дню сталых людзей, у Слонімскім аддзеле рамёстваў адбылося адкрытае паседжанне аматарскага аб'яднання "Спадчына". У творчай гасцёўні ўшаноўвалі юбіляраў "залатога ўзросту" – таленавітых майстроў Слоніма, удзельнікаў аматарскага аб'яднання "Спадчына". Песні ад артыстаў сектара нестацыянарнага абслугоўвання насельніцтва, энергічныя танцы, майстар-клас па вырабе міні-букета «Водар лета», падарункі, шмат добрых слоў і сардэчныя віншаванні – усё было прысвечана дарагім юбілярам.
