Папулярызацыя нематэрыяльнай культурнай спадчыны Слонімскага раёна працягваецца.
Сёння ў этнагасцёўню “Каравайніцкая” завіталі вучні пятага класа з сярэдняй школы №8 горада Слоніма.
Удзельніцы народнага фальклорнага калектыву “Чараўніцы-каравайніцы» правялі для дзетак анімацыйную праграму “Цуда-печка”, дзе пазнаёмілі іх з гісторыяй знакамітых паўлаўскіх караваяў, побытам нашых бабуль і дзядуль, здзейсніўшы падарожжа па этнагасцёўні. Не абыйшлося і без традыцыйных гульняў.
А напрыканцы гасцей чакаў майстар-клас па вырабе ўпрыгожванняў на каравай “Чароўныя шышачкі”.
