У Гродзенскім дзяржаўным музеі гісторыі рэлігіі працуе новая выстава “Схапіць вобраз хараства”
У структурнай аснове выставы – тэматычны прынцып.
Гродзенскі дзяржаўны музей гісторыі рэлігіі прадстаўляе ўвазе наведвальнікаў новую выставу сакральнага мастацтва – “Схапіць вобраз хараства”. Выставачны праект уводзіць у свет хрысціянскіх вобразаў і адлюстроўвае самыя вядомыя іконаграфічныя сюжэты, пад уплывам якіх фарміраваліся традыцыйныя еўрапейскія каштоўнасці. Часовая экспазіцыяадкрыта ў Ізумруднай зале, камерны характар і колер якой надзвычай арганічнаспалучаецца з містычным святлом, якое “выструменьваецца” ад старадаўніх абразоў ХVІІІ–ХІХ стст.